Carito ni Partiang Latong

DI lopo mantong, tele. Marsibaen karejona. Adong na marcatur, adong na marangan-angan. Adong muse na mangkuangi.

“Palan dongan, mapistak naron tu galas niba,” ning Jakodair.

Mangkair bulus alak salopo.

“Maccim dei boto naron,” ning Jamarsompeng muse.

“Ma songon carito partiang latong ulala,” ning sada bayo.

“Hum sondia muse i,” ning Jakodair.

“Bo, dompak marpadati najolo tu Natal. Borngin tong maradian ma di Panatapan. Mardahan mantong. Malena sun. Bo laos masak, pala mangalumpat touk tu bagasan ni gule torung i.”

“Ilala, gayokan au,” ning Jamarsompeng.”

“Ngoni le?” Ning Jakodair. Ipadonok ia juguk nia.

“Bo, nga ipangan ma male. I jomput Partiang Latong soni touk nai. Lek ipangan gule torungi.”

Tueh, ning Si Gurbak laos ke.
“Mabiar au muta ison,” ningsa laos ke.

Mangkair bulus alak na salopo.

Bo, pas muse ma idaho mamolus anak boru na laos tu aek bo. Jujung basuon na. Inda be, na iambang nia do ia na ipartatai ni halak i.

“Olo, na au sajo ma ning roa kecek on muyu,” ningsa bulus. “Baen ngara alak mamili partai muyu, goyak roamu.” Laos demes kehe na.

Marsiligian bulus alak na salopo. Aha muse do dongan so ke carito partai. Ngadong ison na dong parte na. Ma sambang kaji

“Na so mangan manyogot dope roangku inantai,” ning Jamarsompeng.

“Ro ia gari tu lopo on,” ning Jakodair muse. “So ilen mardumon.”

“Najati boto, Kodir. Mandaisi danon mantong di tapak,” ning na sada muse.

Laos mangkair ma sude. (*)